|
SubscriptionsSites I Read
|
|
|
|
| 壓力係人都有,唔止得你一個囉~你諗野可唔可以諗遠D?
無奈你講贏我又如何,冇用嫁~我同你講極你都唔明~你係咁想比人知你
有能力,如果你有既唔該你做出嚟比人睇啦~串到我又點姐?
你又有冇成績可以比大家見到?你會唔會保證你以後都可以好似今時今日咁?
人既能力係會變嫁!呢刻我做唔到唔代表下一刻唔得,請'你'唔好睇死我!
呢一刻你做到既野亦唔代表你以後都做得到,,,冇上進心冇用嫁..
唔好再因為D冇必要既話題而嘈啦,而家你既位置係邊我諗你好清楚,不進則退!
我真係好唔想呢個問題存在係我地一家人之間,大家都清楚以後既路係難行,
所以呢一刻要打好根基,壓力自然有,但係你有冇體諒?
你有冇諗過我又返工又返學其實都好辛苦?你完全冇體諒過我,你只係一味係咁踩我,
我都有因為咁而諗過放棄,除左媽咪之外你地有冇一個係鼓勵過我?!~
係咩時間都好,我最愛,最錫都係你地,因為係我生命中冇野係比家人更重要,
永遠我都會體諒你地,企係你地果邊,但係你地似乎唔多在乎呢個家,係咁都好,
請你地記住,一D衝口而出既說話真係好難聽,呢D說話就算唔過份都好,由於係出自
你地把口,我聽到都會極之唔開心,怎至我真係曾經有諗過死,唔好再傷害我!得唔得?
唔好再睇死我,得唔得?我最重視既係你地,其他咩都唔重要~我只想一家人過得開心.that's all.
| | |
| 我真係好想避,可唔可以唔好係我,每一次去到呢個時刻我真係好唔開心,好唔知點咁,我唔係唔`明,好多野我都明白,逼於無奈既係,你明之後果係點你都會去做左先,每次當我心軟,你就會覺得係理所當然,然而一次又一次既有求於我,我好想你會明白同了解我既感受,我唔係唔想去幫你,而係我唔想你太過依靠我,就算呢個係我既責任都好,咁想對我做成左壓力,有時候當我拒絕既時間,我個心其實好唔舒服,我介意你既心態,幫你時間我係好人,唔幫你我就係衰人,你又有冇諗過以前?唔係之前..又點會做成而家既你地,開口話為左呢個果個,又搵返之前D野出嚟講,我唔鐘意你咁樣!好厭,我唔想再有呢個包袱,我知你壓力大,你諗下我,諗下其他人吖,有邊個冇壓力?有邊個冇責任?我會體諒你,但係我唔明點解果個角色SET死左係我去做?我唔介意去因為你而付出,不過我介意你既心態,幫你真係唔係理所當然嫁,我已經好煩,係你面前我永遠都會開開心心,所以你冇諗過我會有壓力?我冇係你面前喊你就覺得我過得好快樂?好多野都唔止睇表面嫁,拒絕你之後我知你會覺得我好無情好決絕,但你知唔知其實我個心好酸,我好想喊,不過我忍,我忍住唔可以心軟,我想解決呢個長期既問題,怎至我唔想再理你,不過我知我唔可以咁做,好想發洩出嚟,我好想好想你地會明白我! | | |
| 棄我去者 昨日之日不可留
亂我心者 今日之日多煩憂
長風萬里送秋雁 對此可以酣高樓
蓬萊文章建安骨 中間小謝又清發
俱懷逸興壯思飛 欲上青天攬明月
抽刀斷水水更流 舉杯消愁愁更愁
人生在世不稱意 明朝散髮弄扁舟
| | |
|